LEGAZPI CITY – Piglalaoman kan Albay Public Safety and Emergency Management Office (APSEMO) na magigin taun-taon nang magin parte kan Magayon Festival an Albay Grand Maritime Procession.
Segun kay APSEMO Research Division Chief Eugene Escobar, piglalaoman ninda na annually, magigin parte ini kan faith tourism na saro sa mga pigpopromotir kan Provincial Tourism, Culture and the Arts Office.
Enot ining isasabay sa Magayon Festival ngunyan na taon asin padagos man an preparasyon kan saindang opisina para sa aktibidad na ini.
