Nakipag-ugnayan na ang Philippine Ports Authority (PPA) sa Bureau of Customs (BOC) upang maiwasan na gawing storage area ang mga port.
Ayon kay PPA General Manager Jay Daniel Santiago, nagiging sanhi ito ng pagkaantala ng mga kargamento, kabilang ang 900 container vans ng imported rice, na posibleng magpataas ng presyo ng bigas.
Dagdag pa niya, upang hindi maantala ang mga importer sa pag-file ng kanilang importation entry ay nire-review na nila ang mga proseso sa PPA kasabay ng BOC.
