Naglabas na ang Overseas Workers Welfare Administration (OWWA) ng Help Desk sa mga Overseas Filipino Workers (OFWs) sa Lebanon.
Ito ay para sa mga dokumentado at hindi dokumentadong manggagawang Pilipino sa lugar.
Layon ng naturang Help Desk ay makapagbigay ito ng agarang tulong, lalo na sa mga nangangailangan ng repatriation para sa kanilang kaligtasan.
Maaaring tumawag ang mga Pilipino sa Lebanon sa mga hotline na naka-post sa opisyal na Facebook page ng OWWA o makipag-ugnayan sa Migrant Workers Office-Lebanon at Philippine Embassy sa Beirut.
Hinimok naman ng OWWA ang lahat ng Pilipino sa Lebanon na huwag mag-atubiling humingi ng tulong.
