Ginpaabot it Aklan Electric Cooperative, Inc. (AKELCO) sa mga konsumidor kara nga sa 20 Megawatt eamang ro power supply nga na-allocate makarun o 33% eang.
Ro kinhangean segun nga supply sa Aklan hay dapat sa 60 megawatt.
Bangud kara, ginapatuman gihapon ro manual load dropping.
Indi man segun makatao ro Akelco it oras ag lugar sa pag manual load dropping bangud nagabag o kada oras ro allocation.
Haum segun ro pasilidad it AKELCO para magbatun it ginasuplay nga kuryente.
Gusto man nanda nga maibalik eagi ro kuryente sa mas madali nga tiempo pero sa makarun hay kueang gihapon ro suplay it kuryente.
Ro AKELCO hay sangka Distribution Utility nga naga-distribute it kuryente nga ginasuplay it power plant ag nagaagi sa distribution grid nga ginabuytan it NGCP. // ANN DESLENE SALAZAR
