Bangud sa mas ginpabaskug nga police visibility owa it nailistang mabahoe nga kremin o insidente sa Western Visayas sa pagsug-aeaw sa Bag ong Dag on.
Base sa official statement it Police Regional Office (PRO6) pinaagi kay PBGEN Sidney N Villaflor, generally peaceful ro bilog nga Western Visayas sa selebrasyon it New Year.
Sa pinakaulihing assessment report nga ginpaguwa it PRO6, nagnaba ro insidente it 8 focus crimes sa Region 6.
Base sa comparative statistics, nagapakita sa datus nga rocrime incidents halin it December 31, 2023, to January 1, 2024, nagnaba it 53.12 % or 15 cases, mas manaba kumpara sa nagtaliwan nga dag on nga may 32 cases.
Sa nasambit nga 15 kaso, ginaeakipan raya it 3 kaso it murder, 3 kaso it homicide, 6 nga physical injury, 1 robbery, ag 2 theft cases.
Pero ku December 16, 2023 hasta January 2, 2024, kapin sa 142 firecracker-related incidents ro nailista sa PRO6, kung siin, 146 nga indibidwal ro naninahan ag 91 kara hay mga menor de edad.
Daywa man ro nailistang kaso it stray bullet ag sambilog ro kaso it indiscriminate firing sa kasagsagan it selebrasyon it Bag ong Dag on, pero padayun pa rayang ginaimbestigahan. // ANN DESLENE SALAZAR
