CAMARINES SUR- Nagsumite na rin ng courtesy resignation si Camarines Sur Police Provincial Director PCol. Julius Cesar Domingo bilang compliance sa order ng Department of the Interior and Local Government (DILG) na mag resign ang mga Police Generals at Colonels sa bansa.
Ito ang inihayag sa Brigada News FM Naga ng nasabing opisyal. Paliwanag niya, tuloy pa rin ang kaniyang function, dahil hindi raw ibig sabihin kapag nag sumite na ay baba na sa puwesto daraan aniya sa masusing imbestigasyon ng itinakdang komitiba.
Buo ang loob ni Domingo na hindi makakaapekto sa kanilang trabaho sa lalawigan ang kautusan ng DILG kung wala namang ginagawang masama o hindi naman sanggkot sa transaksyon ng ipinagbabawal na gamot.
