Patuloy na naniniwala ang Philippine National Police na nasa compound lamang ng Kingdom of Jesus Christ si Apollo Quiboloy.
Ayon kay PNP Public Information Office Chief Col. Jean Fajardo, may mga impormante silang nagsasabi na nasa loob lamang nito si Quiboloy.
Wala rin aniyang ibinibigay na deadline sa pananatili ng mga pulis sa KOJC compound.
Sa ngayon , nagpapatuloy ang ginagawang paghahanap sa mga lagusan sa underground facility matapos ma-detect ng ground- penetrating radar na may tibok ng puso rito.
Idiniin din ng PNP na patuloy nilang ipatutupad ang maximum tolerance sa kabila ng “resistance” ng mga miyembro ng KOJC.
