Kaisa ng sambayang Pilipino ang Philippine National Police (PNP) sa pagdadalmahati sa mga nasawi sa Bagyong Kristine.
Sa flag raising ngayong umaga sa Kampo Crame, inilagay sa half-mast ang bandila ng Pilipinas bilang pagtalima sa Proclamation No. 728 ni Pangulong Ferdinand Marcos Jr. na nagdedeklara ngayong araw bilang ‘National Day of Mourning’ para sa mga biktima ng nagdaang Bagyong Kristine.
Nag-alay din ng dasal ang PNP sa lahat ng biktima ng bagyo.
Sa pinakahuling ulat ng NDRRMC, nasa 150 na ang napaulat na namatay sa Bagyong Kristine at Leon.
Umaabot na rin sa 8.6 million individuals o 2.2 milyong pamilya ang naapektuhan ng dalawang bagyo sa bansa.
