TANGGALON na ang plastic barrier sa mga bangko sa pipila ka tulunghaan nga nagpahigayon og limited face-to-face classes partikular sa Aspang Elementary school, kini ang gikompirma sa Principal nga si Ricky Niṅo.
Matud usab ni DepEd Gensan City schools’ division Superintendent Romelito Flores dili na kinahanglan ang pagbutang og plastic barrier sa mga bangko. Importante lang nga ma-implementa ang health ug safety protocols sulod sa classroom.
Labaw niini kinahanglan nga matudluan ang mga estudyante sa insaktong pagtuman sa protocol sulod man o gawas sa eskwelahan. Anaa na sa upat ka tulunghaan sa Gensan ang nagpahigayon sa pilot run sa limited face-to-face classes, ug aduna pay daghang nag-apply. Gilauman usab sa mga ginikanan nga magpadayon na kini aron dili na malisdan sa pagtuon ang mga kabataan. I Enamie Mogpon
