Nanindigan si PISTON National President Mody Floranda na dapat pahintulutan ang mga operator na gusto nang bumaklas sa sinasalihan nitong kooperatiba.
Sa panayam ng Brigada News FM kay Floranda, sinabi nitong dapat payagan ang pagwi-withdraw ng mga operators sa kanilang membership kung wala pa itong Certificate of Public Convenience.
Kaugnay nito, binigyang-diin din niya na ang kagustuhang mag-withdraw ng ilang mga drivers at operators ay pagpapakita na napilitan lang ang mga ito.
Giit din ng opisyal, naghahabol lang ang mga ito sa kagustuhang makabiyahe pa rin.
Sa ngayon, tinatanggap daw ng LTFRB ang mga inihahaing withdrawal ng mga operators, at posibleng magkaroon ng public hearing para malaman kung bakit aatras ang mga ito.
