GIANGKON ni Orly Sabelita ang general manager sa Metro Gensan Transport Cooperative kon MGTC sa syudad nga apektado na sila sa sunod-sunod nga pagsaka sa presyo sa propduktong petrolyo.
Segon niini nga dako na ang nawala sa operator sa matag adlaw tungod sa makapila ka higayon nga pagsaka sa petrolyo nga mukabat sa kapin P13 na.
Saysay sa nahisgotan nga mas-maayo unta nga ma-download na ang maong subsidiya tungod kay kini ang makatabang-tabang kanila nga mga operator.
Sa bahin sa taxi driver nga si Jerry Dela Cerna gipamahayag niini nga mas labing maayo nga nahatagan og excemption ang ayuda nga ihatag kanila.
Segon niini nga makatabang na ang maong subsidiya ilabi pa nga nagsige og saka ang krudo ug gasolina.
Sama sa uban nga grupo sa transportasyon nagalaum usab kini nga sa dili madugay maangkon na nila ang maong subsidiya.
Nasayran nga base sa Comelec Memorandum no. 06413 nga pinirmahan ni Commissioner George Erwin Garcia giaprobahan niini ang rekomendasyon sa Comelec Law Department alang sa fuel subsidy program, PUV service contracting program ug utility vehicle modernization program. I Danny Casi
