Rafflesia speciosa, ro ginaturing nga pinkamabahoe nga bueak sa kalibutan hay nagamukadkad makara sa Barangay Bad-as, Sibalom, Antique.
Nabaton ni Jonathan de Gracia, general manager it Sibalom Water District ag sambilog ka environmental enthusiast ro sambilog ka picture it daywa ka nagamukadkad nga Rafflesia speciosa halin sa Barangay Bad-as.
Ro reddish-orange Rafflesia speciosa hay pwede nga magbahoe hasta sa 56 sentimetro (22 pulgada) ro eapad rason nga raya ro ginaturing ngapinakamabahoe nga bueak sa kalibutan.
Nauna raya ng nadsikubrehan it grupo it mga conservationist nga Antique Outdoors (AOs) sa Sibalom Natural Park sa Mt. Poras ku 2000.
Ginhambae ni De Gracia nga ro species it bueak sa Sibalom hay bihira pero may una man nga mga nagabueak nga Rafflesia sa ibang mga nasyun.
Gindeklara man it banwa it Sibalom ro Rafflesia speciosa bilang andang municipal flower./JIL B. LACSON
