Giklaro sa Davao City COVID-19 Task Force nga magpabilin ug padayong ipatuman sa Davao City ang pagsoot og face shield.
Kini bisan pa man gianunsyo sa national government nga gamiton na lamang kini enclosed ug matao nga lugar, sama sa mga mall ug pampublikong sasakyan.
Sumala kang Dr. Michelle Schlosser, Spokesperson sa Davao City COVID-19 Task Force, wala pay gipakanaog nga derektiba ang lokal nga panggamhanan kalabot sa pagsoot og faceshield busa padayong moepekto ang gisunod nga Executive Order (EO) No. 65 Series of 2020.
Gitataw ni Schlosser, subay sa guidelines sa Department of Interior and Local Government, adunay gahum ang Local Government Unit nga mupatuman og direktiba.
Hinoon naghulat matud pa sila og kalambuan gikan sa buhatan sa Mayor kalabot sa paggamit og faceshield. BNFM-Davao
