Nakahanda ang Department of Finance (DOF) na kumuha ng $500-million halaga ng standby credit line na pinalawig ng World Bank para suportahan ang disaster relief at rehabilitation efforts ng bansa sa gitna ng pinsalang dulot ng Super Typhoon Carina at Habagat.
Ayon kay Finance Secretary Ralph Recto, ang $500-million na credit ay agad na iwi-withdraw at ilalabas kapag nagdeklara ang Pangulo ng state of calamity.
Sa ganitong paraan, mabilis na maihahatid ng ahensya ang mga ilang serbisyo tulad ng healthcare, tirahan, at pagkain, na kinakailangan ng mga naapektuhang residente.
Nagbibigay ang Philippines Disaster Risk Management (DRM) at Climate Development Policy Loan (DPL) ng World Bank ng agarang access sa mga pondo sa gobyerno ng Pilipinas upang pamahalaan ang mga panganib na dulot ng climate change, natural disasters, at disease outbreaks.
