Nagareklamo ang pila ka mga manugbaligya sang bugas sa Roxas City angut sa Executive Order No. 39 nga nakasaad sa gin-aprubahan ni President Bongbong Marcos Jr, ang joint recommendation sang Department of Agriculture (DA) kag sang Department of Trade of Industry (DTI) nga naga-set sang price ceilings sang bugas sa pungsod.
Sandig sa executive order nga ang mandated price ceiling para sa regular milled rice ang nagabalor sang P41 per kilo samtang ang mandated price cap naman para sa well-milled rice ang nagabalor sang P45 per kilo.
Sa interview sang Brigada News FM Roxas City kay Nanay Inday Bigcas, manugbaligya sang bugas sa Teodoro Arcenas Trade Center, iya ginpahayag nga nagulpihan sila sa nasambit nga mandu bangud mahal ang ila bakal sang palay kag mahal man ang delivery.
Gani kun sundon nila ang presyohanay dako gid ang ila nga kapierdihan.
Nahibaluan nga ang presyo sang bugas nga regular milled rice ang nagabalor sang P51 per kilo nga mas mataas sang P9 kun ipaanggid sa bag-o nga price ceiling.
Samtang ang well-milled rice naman ang nagabalor sang P59 per kilo nga mas mataas sang P7 kun ipaanggid sa price ceiling.
Sumugod subong nga adlaw sang Martes, Setyembre 5 magasugod na ang price adjustment sa kada kilo sang bugas. | Judy Ann Juare
