Madamo sang mga fresh graduates ang nagpadulong sa ginpatigayon nga Mid-Year Job Fair nga ginhiwat sa isa ka dako nga mall sa may Brgy. Lawaan, Roxas City sa pagpanguna sang Public Employment Service Office (PESO-Roxas) kapartner ang Department of Labor and Employment (DOLE-Roxas).
Sa interview sang Brigada News FM Roxas City kay Caroline Dadivas, PESO Manager, iya ginpahayag nga antes pa man ang pagpatigayon sang Job Fair, nagsulat sila sa mga nagkalain-lain nga eskwelahan agud imbitaron ang mga newly graduates nga magpakigbahin sa nasambit nga event.
Dugang pa ni Dadivas, ginpanugyanan niya ang 17 ka mga kompaniya ukon agencies nga mag-hire on the spot kun ila makitaan sang potential ang job seekers. Tinutuyo sang sini nga kahiwatan nga mahatagan sang opurtunidad ang mga fresh graduates kag job seekers nga madasig nga makapangita sang trabaho santu sa ila kurso, eksperyensya kag abilidad.
Lakip sa mga Job Opportunities amo ang trabaho sa Call Center, Construction Companies, Food/Commercial Establishments kag iban pa nga local employment opportunities. | Judy Ann Juare
