May namonitor nga kaso sang “extortion” ang tropa sang gobyerno may kaangtanan sa ‘permit to campaign’ sang mga rebelding komunista apang “scammer”. Ginpahayag ni 303rd Infantry Brigade (IBde) commander Brig. General Inocencio Pasaporte sa ila nga pag-imbestigar indi mga katapo sang rebelding New Peoples Army ang nagapangayo sang extortion money sa mga politiko agud makapatigayon sang kampanya sa mga lugar nga ila kontrolado.
Suno kay Pasaporte iya igapahibalo kun may nahibaluan ang iya sini nga tropa sa extortion activities sang mga rebeldi matapos nabasahan sini ang pahayag sang Apolinario Gatmaitan Command – Central Negros sang NPA sa media nagapahanumdom, nagapangayo kag nagapamahog sa mga politiko may kaangtanan sa pagpangampanya sang mga ini.
Sa karon ang militar ang wala pa sang may na-monitor nga “extortion activities” sang mga rebeldi kag ginpasalig sang brigade commander paga-aksyunan nila sa gilayon ang kasubong nga hilikuton sang NPA.
Ginklaro ni Pasaporte ang nasambit nga mga “scammer” ang nagagamit sang ngalan sang NPA bangud sandig sa ila nga pag-monitor ang ngalan sang grupo ang indi halin sa probinsya sang Negros Occidental kundi sa rehiyon sang Mindanao.
