NAGPAKATAG na og mga personahe ang Philippine Coast Guard (PCG) sa mga beach resort sa Southern Mindanao. Matud ni Capt. Christopher Meniado sa PCG, ang 33 ka graduate nila sa water search and rescue sa PCG sa Southern Mindanao District ang ipakatag sa semana santa.
Gawas sa mga personahe, duna usab ipakatag nga himan ang PCG sama sa rubber boat, motorbanca ug ubang basic water search and rescue. Duna sila’y gibutang nga sakop sa mga beach resort sa GenSan, Glan ug Kiamba sa Sarangani ug Palimbang sa Sultan Kudarat. Pahimangno sa mga personahe ug publiko nga mahimong magbinantayon aron masiguro nga mahimong operational ang ilang mga assets alang sa seguridad sa bakasyonista alang sa Semana Santa ug summer vacation.
Gimanduan usab ang mga substation nga momugna og quick response team human nakaalerto ang buhatan alang sa duha ka okasyon. Gipasigurado usab niini nga dunay lifeguards nga dunay kapasidad sa pagpahigayon og rescue operation kung kinahanglan. I Richel Gubalani
