Ibinahagi ni Pangulong Bongbong Marcos na pinagtibay nila ang intelligence at response ng pamahalaan, at nasa magandang kalagayan ito ngayon.
Sa kabila niya, sinabi ng pangulo na hindi dapat pinag-uusapan ang intelligence services dahil isa dapat itong lihim.
Nakatuon kasi aniya ang gobyerno sa mga external threats dahil nagiging mas seryoso na ang usapin dito.
Kaugnay naman sa umano’y destabilization laban sa kanyang administrasyon, sinabi ng presidente na marami silang nagagawa kumpara sa mga inaakala ng ibang tao.
Hanggat nagagawa raw ng pamahalaan ang trabaho nito, naniniwala siyang ang administrasyon ay epektibo.
