CAMARINES NORTE- Umaabot sa 43 driver ang inisyuhan ng Traffic Citation Ticket (TCT) at isa naman ang Temporary Operators Permit (TOP) sa isinagawang Oplan Sita at Anti Carnapping Operation ng PNP Highway Patrol Group sa bayan ng Talisay kahapon.
Sa bayan naman ng Daet ay aabot sa 60 TCT ang inisyu sa kaparehong operasyon katuwang ang Local PNP at traffic enforcers.
Maliban sa pagsasagawa ng mga operasyon sa kalsada ay nag iikot din ang mga tauhan ng HPG sa mga terminal upang ipaalala ang pagsunod sa minimum health standards ngayong nanatili pa rin ang banta ng COVID- 19.
Kapansin- pansin kasi na ipinagwawalang bahala na ng iba ang pagsunod sa health protocols sa harap ng bumababang kaso ng nakahahawang sakit.
Kasabay na rin nito ang malawakang information drive patungkol sa Anti-Distracted Driving Act
Ito ay para maging aware ang mga driver lalo na sa public transportation sa mga probisyon ng nabanggit na batas.
Sa ilalim ng Anti-Distracted Driving Act mahigpit na ipinagbabawal ang pagamit ng cellphone at iba pang other electronics devices habang nagmamaneho.
Ayon sa HPG hindi lang sila nakatutok sa enforcement kundi mayroon engagement advocacy sa kanilang force multipliers.
(Photos: HPG)
