Nakatakda nang ihain sa Senado ni Senate Committee on Energy, Vice Chairperson, Senador Win Gatchalian ang panukalang batas na maghihiwalay sa tungkulin ng National Grid Corporation of the Philippines bilang system operator at network transmission provider.
Kung saan ang System Operator ay tumutukoy sa pamamahala ng buong electrical grid, habang ang Network Transmission Provider ay responsable sa pagpapatakbo at pagpapanatili ng mga physical assets tulad ng transmission lines.
Ayon sa senador, bagamat batid niya ang importansya ng mga pribadong sektor para sa pagkakaroon ng kapital ay mainam na ang gobyerno ang maging system operator.
Anya, sa pamamagitan nito ay matitiyak ang pambansang seguridad dahil mas agad na malalaban ang anumang cyber threats.
