Ilang buwan na lang ay mag-iisang taon na nang maghain ng petisyon ang grupong PISTON sa Korte Suprema para ibasura ang Public Transport Modernization Program.
Ayon kay Ruben Baylon, Deputy Secretary General ng PISTON, sapat na ang mga datos, mga nagrereklamo at inihaing resolusyon ng senado para ibasura ang programa.
Bukod sa hindi malinaw ang patutunguhan ng programa, hindi rin dapat makinig si Pangulong Marcos sa DOTR at mas mainam na pag-aralan ang programa.
Kung hindi naman daw maglalabas ng TRO ang korte suprema at hindi masususpinde ang programa, malawakang protesta ang ilulunsad ng PISTON sa ikalawang linggo ng Setyembre.
