Pamilya sang biktima nga nasapwan patay sa suba sa banwa Pilar, nagapati nga wala sang foul play ang kamatayon sini
Nagapati ang pamilya sang biktima nga nasapwan patay sa suba kag yara na sa advanced state of decomposition nga wala sang foul play ang kamatayon sini.
Matandaan nga ginkilala ang biktima kay Roger Evangelista, 48-anyos, residente sang Barangay Sinamongan, Pilar, Capiz.
Sa interview sang Brigada News FM Roxas City kay PCMS Anthony Lorenzo, sang Pilar PNP, ginpahayag sini nga wala naman sang plano ang pamilya sang biktima nga ipaidalom sa post mortem examination ang bangkay sang ila nga himata.
Dugang pa ni Lorenzo, ginapahayag sang asawa sang biktima nga si Marivic Evangelista nga posibli nadan-log ang biktima sa latayan kag ini ang nahulog sa suba nga amo ang gintunaan sang iya kamatayon.
Sa karon, padayon pa ang imbestigasyon sang Pilar PNP sa amo nga insidente. | Judy Ann Juare
