HINAY-HINAY na nga nanumbalik ang kakusog sa palit sa litson baboy kon adlaw nga Domingo sa National Highway, Calumpang human nga naundang na ang kaso sa African Swine Fever (ASF) sa General Santos City.
Sa aktwal nga pag monitor sa taga Brigada Gensan adlaw nga Domingo sa Highway Calumpang daghan na ang nagabaligya og litson, unya ubay-ubay usab ang nagahapit unya mopalit.
Sumala sa usa ka tig litson nga si Ofelia Labiste, nakapadayon sila sa ilang negosyo bisan kon mahal gihapon ang presyo sa buhing baboy.
Ang gigikanan sa ilang gina litson adunay sa backyard aduna usab sa piggery farm sa Gensan basta kumpleto lang sa papelis.
Ang presyo sa naluto na nga litson anaa sa P550.00 sa matag kilo sa unod, ang tiil P380.00 ang ulo P350.00 sa matag kilo.
Gidugang ni Labesti nga usahay may adlaw nga kusog ang palit apan may adlaw usab nga hinay ang palit, ang uban usab online na ang order. I Ver Diazon
