Antique – Arestado ro 12 katawo sa ginpatigayun nga anti-gambling operation it gintingob nga pwersa it Regional Intelligence Division, PRO 6, ag San Jose Municipal Police Station, sa Brgy. 2, ag Brgy. 3 it San Jose, Antique makarun nga adlaw.
Naaktuhan segun ro mga suspek nga si Styronne Skudd Soliva y Sabordo, 24 anyos, Field Technician Support sa Peryahan ng Bayan San Jose, Antique ag 11 nga iba pa, samtang ginapatigayun ro actual draw operation it nasambit nga pasugaean.
Narekober sa Peryahan ng Bayan it San Jose Brgy. 2 ro P1,049 collected bet money, 5 ka black ballpen, 1 calculator, 1 winning betcard, 1 chart at 1 draw machine.
Samtang sa sambilog pang follow-up operation nga ginkasa pagkatapos makabuoe it impormasyon sa mga nadakpan nga suspek sa Peryahan ng Bayan sa Brgy. 2 ay may una man nga kaparehong ilegal nga aktibidad nga ginapatigayun sa ginarentahan nga baeay ni George Arangote nga makit-an sa Brgy. 3, San Jose, nga nagresulta sa pagka aresto ag pagkakumpiska sa P27,125 collected bet money, sang bugkos it rubber bond, tatlong P.O.S Machines, sangka PCSO Kiosk I.D, sang bugkos it Bet Slip, 6 ka Casio Calculators, 2 bugkos it used bet slips, 2 portable printers, 33 nga laminated Kiosk IDs, 1 notebook, 2 stub it improvised cotejos, ap-at nga columnar books, 2 record books ag 2 ka staplers.
Nagapangatubang ro mga suspek sa kasong pag eabag sa Presidential Decree 1602 o Anti-Illegal Gambling Act. / ANN DESLENE SALAZAR
