DISMAYADO ang bagang duot sa mga residente sa upat ka barangay sa GenSan sa pakyas nga pag-angkon sa education assistance.
Matud ni Christian Matillano, 18-anyos, taga Barangay Lagao, mipila siya sa Lagao gym dihang nadungagan ang skedyul sa ilang barangay. Bitbit niini ang rekisitos nga kinahanglan, nagpa-rehistro kini online ug miadto sa barangay. Naglaom nga makatabangan siya tungod siya ang kwalipikado sa programa gumikan siya ang usa ka Person with Disability (PWD).
Miadto na usab sa barangay ang ubang midagsa sa Lagao gym apan sila ang nadismaya dihang wala nakaangkon sa payout. Alas-9:30 sa buntag, nagpunsisok ang mga tawo gawas sa gym ug gikaengong walay taga- DSWD ug CSWD nga nag-atiman kanila.
Dunay pipila ka residente lakip senior citizens nga alas-6 pa sa buntag naghulat hangtud naabtan og tumang kainit sa panahon. Sa paglaom nga makaangkon og sa pinansyal nga ayuda alang sat ulo ka apo nga gibilin kaniya sa ginikanan.
Sa pamahayag ni Loreto Cabaya, regional director sa DSWD-12 iyang gipaimbestigahan ang nahitabo sa Lagao gym. Naka-skedyol Sabado sa payout alang sa kwalipikadong benepisyaryo ang Barangay Lagao, Ligay, Baluan ug Buayan. Una nang, giklaro ni Cabaya nga limitado ang pondo sa programa ug ‘indigent’ ug ‘in crisis’ nga estudyante lang ang hatagan. I Richel Gubalani
