Naniniwala ang Palawan Provincial Peace and Order Council na mareresolba ang sigalot sa West Philippine Sea sa maayos na pag-uusap sa pagitan ng China at Pilipinas.
Ayon kay Palawan Board Member Ferdinand Zaballa, ayaw ng bansa sa gyera gayundin ang China at ang agawan ng teritoryo ay hindi dapat humantong sa pakikipagdigma.
Kaugnay nito, suportado naman ng konseyo ang utos ni Pangulong Marcos na h’wag gagamit ng dahas laban sa mga Chinese coast guard.
Ayon naman kay BM Anton Alvarez, kailangan pa rin pairalin ang maximum tolerance upang hindi na humantong sa malalang gulo.
Samantala, suportado rin nila ang pahayag ng ilang Board Member na magkaroon ng contingency plan kontra gyera ngunit wala dapat umanong ipangamba ang mga Palaweño.
