Winelcome ng Bantay Bigas ang pagkakapasa sa ikatlo at huling pagbasa ng Kamara sa panukalang mag-aamyenda sa Rice Tarrification Law.
Sa ilalim nito, ibabalik na sa National Food Authority (NFA) ang price stabilization at supply regulation function sa bigas.
Sa panayam ng Brigada News FM Manila kay Bantay Bigas Spokesperson Cathy Estavillo, sinabi nitong matagal pa nilang ipinanawagan na maibalik ang mandato sa NFA na ma-regulate ang presyo ng natura agri-product.
Ayon kay Estavillo, kailangan talaga ang subsidized na presyo ng bigas.
Makatutulong kasi aniya ito upang mapababa ang bentahan ng naturang agri-product.
Sa huli, hiniling ni Estavillo na hindi man makamit ang ipinangakong P20 na kada-kilo ng bigas, sana man lang daw ay maibalik sa P27 na kada-kilo ang bigas.
