Angol ang menor de-edad homan nagbangga ang motorsiklo ug L-300 pasado alas 11 kaganihang buntag sa Cebu Ave. ug Locsin Ave. sakop sa Brgy. Palampas dakbayan San Carlos Negros Occidental.
Base sa imbestigasyon sa kapolisan menor de-edad ang driver sa motorsiklo Honda wave nga pula samtang ang driver sa L-300 mao si Cresenciano Eyas Jr., 28 anyos ug residente sa Greenville Bato Brgy.Rizal dakbayan San Carlos.
Samtang gikan sa kainggat nga bahin ang L-300 nga gimaniho ni Eyas ug gikan usab sa terminal nga dalan ang motorsiklo nga gimaniho sa menor de-edad, pag abot sa intersection kalit nagbangga ang L-300 ug motorsiklo tungod parehong kusog ang dagan niini.
Daling gidala sa tambalanan ang menor de-edad alang sa medical na attention, nakaangkon ug samad sa tuo nga bahin sa iyang ulo ug gagmay nga mga pangos ang menor de-edad.
Nasayran nga nagsettle ang matag-habig ug andam mosuporta pinansyal ang nakabangga sa menor de-edad.
Sa pagkakaron nasayran sa Brigada News Team nga nagpaalim sa balay tambalanan ang menor de-edad.
