KABANKALAN CITY, Negros Occidental — Military officials sa Visayas ‘silent mode’ sa allegasyon sang International People’s Tribunal (IPT) nga nagatudlo sa militar ang pag-patay sa pamilya Fausto sa syudad sang Kabankalan, sang Hunyo 14, 2023.
Suno kay 3rd Infantry Division public information head Lieutenant Colonel J-Jay Javines, gina-hatag nalang nila ang desisyon sang kaso sa Korte sa Pilipinas, sa diin may yara sang isa ka gina-alegar witness nga nagatudlo sa New People’s Army (NPA) sa pag-patay.
Madumduman, nga ginabasol sa mga kapulisan kag militar ang pag-patay sanday – Roly kag Emilda Fausto – kag duwa sini ka menor de edad nga bata nga sanday – Ben kag Raben – sa NPA. Apang hugot naman nga ginpanginwala ini kag ginatudlo naman sa 94th Infantry Battalion.
Mismo nga kamagulangan nga bata sang mag-asawa nga si Emily, ang nag witness sa IPT sa Belgium, sang Mayo 18, agud magpangayo hustisya sa iya pamilya, sa diin iya ginatudlo sa militar ang pagpatay sa iya ginikanan kag utod, bangud sa nadangtanan sini nga gina-alegar harassment, intimidasyon, kag “red-tagging.”
Ang IPT ang isa ka quasi-judicial forum sa diin gina-organiser sang nagkalain-lain nga civil society organizations gikan sa nagkalain-lain nga pungsod, agud imbestigahan ang gina-alegar war crimes kag biolasyon sa international humanitarian law sang mga heads of states.*