Padayon pa ang imbestigasyon sa Malungon Municipal Police Station sa pagpamusil sa usa ka pamilya sa Malungon nga gikasamad sa mag-inahan.
Kahinumduman nga gipusil ang gisakyang elf truck sa pamilya Penpillo nga gikasamad ni Raygee Ann, 36 anyos, inahan, negosyante ug anak niining si Krystal, 10 anyos, parehong nagpuyo sa Sitio Lupa, Barangay Atlae, Malungon, Sarangani Province.
Nahitabo ang pagpamusil alas-2 Lunes, July 19, 2021 duol sa Felarca farm nga nahimutang sa Barangay Kiblat, Malungon, Sarangani Province.
Base sa resulta sa gihimong follow-up investigation sa kapulisan, nasuta nga homemade shotgun ang gigamit sa mga suspek sa pagpamusil sa mga biktima.
Samtang base usab sa impormasyon nga nahipos sa kapulisan, walay nakit-ang igong rason ang mga suspek sa pagpamusil sa mga biktima, posible nga tumong lang matud pa sa mga suspek ang mang-trip ug kung kinsay mu-agi ilang pusilon.
Apan wala gibalewala sa kapulisan ang uban pang mga anggulo sa posibleng hinungdan sa pagpamusil.
Photo courtesy: Sarangani Police Provincial Office
