Gipaundang sa kapulisan sa Gensan ang birthday party nga gipahigayon sa LC5 Farm and Resort, Hulyo 20 sa gabii human makumpirmang misupak sa ginapatumang health protocols.
Base sa gipadalang report sa San Isidro Police Station, nakadawat matud pa sila og impormasyon nga wala natuman ang minimum health standard sa birthday party nga giselebrar sa nasangpit nga resort.
Tungod niini, nag-warning ug gipahunong dayun ang maong selebrasyon.
Apan giklaro sa tag-iya sa resort nga usa ka cottage lang ang reservation, apan dakung kakurat nila nga pag-abot sa gabii, nidagsa ang mga nitambong.
Ginaseguro matud pa sa maong resort nga hugot nilang ginapatuman ang health protocols.
Sigun usab ni Geraldine Zamora, labaw sa City Permits and Licenses Division nga ang LC5 resort usa sa mga gatuman sa protocols ug kini ang unang higayon nga sila nakasupak.
Padayon pa ang imbestigasyon sa otoridad sa maong kalapasan sa nasangpit nga resort.
Photo courtesy: San Isidro PNP
