GIBUTYAG ni Dr. Renato Diagan ang presidente sa private hospital association sa Gensan, nga dako gyud ang natabang sa bakuna sa hinay-hinay na nga pag ubos sa kaso sa COVID-19, tungod kay Kung naa may maig-an og COVID mild sypmtoms nalang ang masinatian.
Naobserba mismo ni Dr. Diagan ang maong epekto atol matud pa sa iyang makigpulong sa labaw sa City Health Office, niadtong milabay nga adlaw. Ang Diagan Cooperative Hospital ang usa ka referral hospital sa sa syudad, labaw na kadtong mga gikan sa Sarangani Province nga dili maka-afford sa mahalon nga ospital dinha gina-admit sa Diagan.
Rason nga kanunay niining ma monitor ang mga pasyente ug sagad matud pa sa adunay severe nga symptoms kadtong wala pa mabakunahi. Nanghinaot si Dr. Diagan nga magpabakuna na ang tanan tungod adunay igong suplay sa bakuna ang syudad ug wala nay magdumili kay nakita niini nga dako og impact ang pagpalapnag sa mga vaccination sites sa syudad aron mahimong luwas sa coronavirus disease. ( Enamie Mogpon)
