Kinukumpiska ng pamunuan ng West Bajac-Bajac Public Market ang mga tindang alamang sa pamilihan at iba pang shellfish na walang kaukulang papeles na maipapakita kung saan ito nanggaling.
Ito ay kasunod ng advisory na inilabas ng BFAR na nagpositibo sa red tide ang mga shellfish samples mula sa Bataan.
Ayon kay Market Master Carlo Barawed, kahapon ay 36 kilos ng alamang ang kinumpiska at ngayong umaga ay 20 kilos dahil walang maipakitang dokumento ang nagtitinda kung saan ito nanggaling.
Samantala, ang mga nakumpiska ay ibabaon umano sa isang bakanteng lote ng baranggay.//Jen Bayot-BNFM OLONGAPO
