WALAY sagul politika ang paghulip og mga chairmanship sa pipila ka komiteba sa Sangguniang Panlungsod.
Kini ang giklaro ni Kagawad Jose Edmar Yumang isip pagpaklaro sa espeskulasyon nga tungod sa political affiliation nganong may mga kausaban sa paghupot sa komiteba.
Segun ni Atty.Yumang nga nagatrabaho sila bisan unsa pa ang ilang political party ug dili usab matud pa pa-konsuelo de bobo ang komiteba nga gihatag kang Gacal.
Atol matud pa sa session nagkauyon ang tanan ug walay mikwestyon sa iyang giduso nga resolusyon alang sa paghulip sa mga naasuyng committee chairmanship.
Gitubag usab ni Yumang ang tanang mga kwestyon kalabot sa pondo nga hulamon sa LGU nga mokabat sa P1.9 billion nga moagi usab sa makuting pagtuki sa konseho.
