Naniniwala si Health Secretary Francisco Duque III na hindi pa napapanahon para mag-de-escalate ang buong bansa sa Alert Level 1.
Ipinaliwanag ni Duque na marami pang lugar sa bansa ang hindi naabot ang metrics na itinakda ng Inter-Agency Task Force.
Inihayag ito ni Duque kasunod ng proposal ng National Economic Development Authority (NEDA) na maisailalim na ang buong bansa sa Alert Level 1 at mabuksan ang lahat ng paaralan para sa face-to-face classes.
Layon ng panukala ng NEDA na mapalawig ang domestic economy at ma-offset ang global risk.
Nilinaw naman ni Duque na ayaw rin ng gobyerno sa malawakang lockdowns dahil nagiging dagok ito sa ekonomiya.
Pero ayon kay Duque posibleng mawaldas lamang ang napagtagumpayan ng bansa laban sa COVID-19 pandemic kung ipatutupad kaagad ang Alert Level 1 sa lahat ng lugar kabilang na ang mga hindi pa nakakaabot sa revised parameters ng IATF para sa deescalation.
