GIKATINGALA ni Brigada Elmer V. Catulpos nganong libuan ka katawhan ang nagpamiyembro sa KaBrigadahan GenSan ug padayun pa nga gakadaghan.
Kini ang timailhan matud pa nga daghan ang naglisod ug pinaagi niini nakita ang kamahinungdanon nga ipadayun ang maong programa ug mas palapdan pa unya ugaling palarang makalingkod sa posisyon.
Alang sa Ama ng Brigada, apil ang alang sa maayong panglawas ang tutukan aron nga dili na maglisod ang mga kabus, pinaagi sa paghatag og libreng pagpaospital, tambal, konsulta ug kinahanglang adunay bakante nga kwarto alang sa mga ma-admit.
Gawas sa health, lakip nga tutukan ang edukasyon, diin dili basehan ang grado apan ang kapobrehon, kung gikan sa kabus nga pamilya, mahimo silang scholar ug hangtud kolehiyo kinahanglang libre ang pagtungha.
Ang ikatulo mao ang panginabuhian, trabaho aron daghan ang mahaw-as sa kalisod, apan angayang mapatuman ang pag-redesign sa economic system, apan gitino ni Brigada Elmer nga walay ma-displace, ma-phase out sama sa mga trisikel, walay makulban og kaldero ug gusto usab nga mapatuman sa hingpit ang ease of doing business.
