NAGPASALAMAT ang laing 145 ka mga miyembro sa KaBrigadahan GenSan nga gitabangan sa ilang mga miyembro.
Atol sa KaBrigadahan GenSan program nga gipangunahan ni Brigada Elmer V.Catulpos gipasalamatan niini ang mga miyembro nga kanunayng gatampo tampo aron makatigom og kwarta nga bahinon sa mga nanginahanglan nga mga miyembro.
Sobra sa P400,000 ang natigom sa mga miyembro nga alang sa panginahanglanong medikal, sama sa pagpatambal, operasyon ingon man maintenance ug uban pa.
Samtang sa featured case nga si Kasandra Louise Maligaw, 3 ka tuig ug taga Purok 7,Daan Banwang, Brgy.Upper Labay nga may bukol sa liog ug kinahanglan nga mapa-check up aron masuta kung cancerous o dili, ang nakatigom usab on the spot pinaagi sa pagpanawagan og tabang og mokabat sa P15,000.
Tulo usab sa 145 nga natabangan ang personal nagpasalamat sa KaBrigadahan GenSan program nga mao si John Paul Tajores, alang sa amahan nga na-admit tungod sa pneumonia.
Nagpasalamat usab si Arnulfo Loretizo alang sa tabang sa amahan nga si Winifredo, 74-anyos nga katulo na masulod ma-ospitla tungod sa problema sa baga ug prostate ug si Eigen Kharize Olmedo, 25-anyos, umagad ni Imelda Olmedo nga alang sa medikasyon tungod sa infection sa ilong.
Ang mga miyembro sa KaBrigadahan GenSan ang gitawag nga bayani ni Brigada Elmer tungod sa ilang walay puas nga pagtabang sa ilang isig ka tawo.
