GIAWHAG karon ni Brigada Elmer V. Catulpos ang publiko nga dili mag-away tungod sa pulitiko,
Normal lang nga adunay dili mauyonan nga kandidato, apan dili kinahanglan nga makig-away o makigbungol sa mga higala nga lain ang gisuportahan.
Karong magsugod na ang pagpangampanya sa mga local candidates sa Marso 25, awhag pa ni Brigada Elmer sa katawhan nga lantawon ang nag-unang isyu.
Nagtuo usab kini nga sa siyam ka tuig sa pagdumala sa mga lider sa syudad, grabeng pag-antus ang nasinatian sa mga katawhan sa GenSan mao nga angayang sutaon pag-ayo ang kandidato nga adunay pagmahal sa syudad, may malasakit, kasing kasing ug kaisog sa pagdumala ug dili pabalik balik nga cycle sa solusyon sa problema.
Gani dugang sa Ama ng Brigada, halos nabiyaan na ang GenSan kung kalambuan sa lugar ang hisgutan.
Alang kang Brigada Elmer, aduna kini vision ug solusyon alang sa mga problema sa syudad ug katawhan apan kining tanan ang maangkon sa inanay ug sa padayung pagtinabangay sa katawhan.
