GIREKOMENDA sa kapulisan sa ahensiya sa gobyerno ang pagbutang og street lights ug road signs sa mga national road sa GenSan.
Kini dungan sa bangga nga nahitabo sa national highway sa Barangay Labangal nga gikamatay sa babayeng trabahante sa LGU.
Matud ni PLt. Col. Dominador Palgan Jr., labaw sa Traffic Enforcement Unit (TEU) sa GenSan City Police Office (GSCPO) dako ang matabang sa road signs aron makonhuran ang insidente sa bangga sa kadalanan.
Sama sumala pa sa highway sa Purok Ondok Gawan sa Barangay San Jose nga ngingit ang dalan ug walay road sign natala nila ang taas nga insidente sa bangga.
“Sa nakikita namin sa probably cause, una yung street lights hindi lahat ng national road natin may street lights specially in Ondok Gawan in Barangay San Jose madilim at marami kaming naitala na aksidente sa lugar, road signs at yung road blocks para hindi na rin basta-basta lang lumiko ang mga sasakyan,” butyag ni Palgan.
Sa rekord sa TEU karong tuiga, naa na sa 115 ang insidente sa bangga nga natala sa national highway sa siyudad, 56 sa city roads samtang 78 ang sa barangay roads.
Ang butang og visible road signs sa ideal nga distansiya ang makatabang sa pagsalbar sa daghang kinabuhi. I Richel Gubalani
