Nagpasidaan ang Land Transportation Franchising and Regulatory Board Northern Mindanao sa paggamit sa mga kwalipikadong driver ug operator sa Public Utility Vehicle sa fuel subsidy sa gobyerno.
Gibutyag ni LTFRB-10 Regional Director Aminoden Guro nga esklusibo lamang sa pag-palit sa produktong lana ang maong subsidiya ug dili kini mahimong magamit sa ubang palaliton tungod dunay monitoring team nga gabantay sap ag-gamit sa fuel subsidy card.
Kahibaloan nga dunay duha ka klase sa subsidiya nga gihatag sa gobyerno aron makatabang sa mga driver ug operator sa pampublikong sakyanan sa pagtubag sa nagkataas nga presyo sa produktong petrolyo.
Gilangkuban kini sa 7,200 pesos fuel subsidy nga madawat sa mga PUJ operator ug driver diin ang distribution coverage niini anaa na sa 70%, samtang ang ikaduha nga subsidiya mao ang 6,500 pesos nga madawat sa mga nagdala og unit nga PUJ, modernized PUV, taxi’s, motorela ug delivery services nga lauman ma-apod apod karon nga semana. Kahibaloan nga sa pagdawat sa subsidiya moagi pa kini sa proseso diin gikinahanglan nga rehistrado ang unit, ug lihokon ang mga dokumento sa landbank aron maka-fill-up sa cash card enrollment and claim form ayha ma-release pinaagi sa kooperatiba nga gilangkuban.
