TAKDANG sugdan sa Valentine’s day sa mga LGUs ang pediatric vaccination batok Covid-19 sa mga bata dead 5- 11 anyos. Matud ni Arjhon Gangoso, tigpamaba sa Department of Health (DOH) 12 sa Pebrero 14 sugdan na sa ubang LGU’s ang pagbakuna.
Human ang gihimong kickoff sa pagbakuna sa eligible age group sa ospital sa Cotabato City. Duna matud pay gihimong capacity building alang sa healthcare workers ug implementer ug pre-registration campaign activities. Asa palapdan ang mga vaccination sites aron maatiman ang daghan pang minor de edad, dugang ni Gangoso.
Gisiguro nila ngadto sa mga ginikanan nga luwas ang bakuna human gitun-an og maayo sa mga pediatric expert ug namatud-ang epektibo sa nagkadaiyang nasud ug walay natala nga death kalabut sa Covid-19 vaccination sa mga bata.
Gihingusgan niini nga proteksyon ang bakuna batok sa virus aron masiguro nga luwas ang mga bata sa pagbalik sa tulunghaan. Karon bulana, dakong porsyento na sa 3 million target eligible population sa rehiyon ang fully vaccinated na batok Covid-19. I Richel Gubalani
