HINA-hinay nang mibalik ang kalagsik sa industriya sa turismo sa probinsiya sa Sarangani ug kini ang gipasalamatan sa lokal nga panggamhanan.
Matud ni Langlang Rodis, information officer sa Sarangani Province nga midaghan ang nag-adto sa nagkadaiyang mga lugar sa probinsya. Base sa ilang datus mas daghan ang day tourist sa 2021 nga anaa sa 1.7 million itandi sa tuig 2019 nga anaa sa 1.5 million.
Giklaro niini nga sagad sa mga bisita ang gikan sa rehiyon. Nagpasabot kini nga napul-an na ang kadaghanan sa sitwasyon tungod sa pandemya ug buot nang mag-relaks.
Usa sa ginadayo sa mga local ug foreign tourist mao ang iladong white-sand beaches sa Barangay Gumasa sa Glan nga nakarekord kaniadto og labing daghang visitors gikan sa gawas sa rehiyon. Ang Glan ang giila isip “Boracay of the South,” tungod sa hapit duha ka dosena nga beach resorts. I Richel Gubalani
