GIPANGITAAN na og pamaagi sa LGU-Sarangani Province nga mapugngan ang mga pagbaha sa pipila ka munisipalidad panahon nga adunay kusog nga pag-ulan.
Segun kang Rene Ponzalan, head sa Sarangani Provincial Disaster Risk Reduction and Management Office kun PDRRMO nga Biyernes gi-adtoan ni Gov.Ruel Pacquiao, taga DPWH, engineering department ang mga lugar nga gibahaan, labi na sa Alabel, asa mokabat sa P2.4 million ang damyos lakip dinhi sa footbridge sa purok Upper 2, Poblacion Alabel.
Sa fishpond and aquaculture damages anaa sa P176,000 ang damyos, sa pananum anaa sa P123,000 ug sa mga balay nga anaa sa 8 ang totally damaged ug anaa sa kapin 30 ang partially damaged sa P100,000 ang damyos.
Anaa usab sa P2 million nga pondo ang kinahanglan aron ma-repair ang naguba nga Molo footbridge.
Gibutyag ni Punzalan nga lakip ang pipila ka lugar sa Kiamba ug Maitum ang gibaha apan manageable ug walay gi-report nga damyos.
Kasamtangan, as of July 17, mokabat sa 37 ka pamilya ang anaa pa sa Alabel gymnasium human naguba ang ilang balay ug 15 ka pamilya nagtinir pa sa Ladol tungod gihapon sa nadaut nga balay.
Nahatdan na usab og relief assistance ang mga biktima sa pagbaha ug gipasaligan ang nagubaan og balay nga tabangan. Alayun niini, ginapa-alerto kanunay ang mga katawhan labi na sa mga nagpuyo sa flood prone areas nga mag-self assessment aron dili mabutang sa peligro ang kinabuhi panahon nga may kusog nga pag-ulan.
