MIHATOD ang Department of Social Welfare and Development (DSWD) Field Office XII og 750 Family Food Packs (FFPs), 375 family kits ug sleeping kits lakip modular tents alang sa 375 flood-affected families sa munisipalidad sa Alabel.
Ang matag pamilya nakadawat og tag duha ka boxes sa food packs.
Segun sa report sa Municipal Social Welfare and Development Office (MSWDO) Alabel, lima (5) barangays ang grabeng naapektohan sa pagbaha.
Kini mao ang Poblacion, Ladol, Kawas, Alegria, ug Bagacay.
Adunay 61 ka displaced families, 32 ka pamilya ang kasamtangang nagtinir sa Alabel Municipal Civic Gym ug ang nahibiling 29 ka pamilya ang anaa sa Brgy. Ladol Gymnasium.
Segun kang Assistant Regional Director for Operation Bonifacio Selma Jr. nga anaa atol sa pagpang-apod apod sa relief aid sa apektadong pamilya kauban ang taga Disaster Response Management Division and Quick Response Team sa DSWD-12.
Sa kamanduan matud pa ni DSWD Secretary Raffy Tulfo nga padayun lang sa pag-andam sa mga Family Food Packs ug uban pang relief supplies ug masiguro ang paigong relief aid. Kasamtangan ang Field Office adunay nakaandam nga sobra sa 41,000 Family Food Packs sa duha ka warehouses lakip na FFPs gikan sa National Resource and Logistics Management Bureau (NRLMB).
