Nakapapasong init pa rin ang mararanasan ngayong araw ng Huwebes.
Sa pagtataya ng PAGASA ang pinakamataas na heat index na mararanasan ngayong araw ay posibleng pumalo ng hanggang 47°C.
Maaari raw itong maramdaman sa Sangley Point sa Cavite, kung saan, narnasan din ang pinakamatinding init kahapon.
Pasok ito sa ‘danger’ category – ‘o ‘yung delikado na para sa kalusugan.
Sa oras na ma-expose ka nang matagal dito, maaari kang makaranas ng heat stroke, heat cramps, dehydration, at heat exhaustion.
Sa kabila ng matinding init, may tiyansa pa rin ng mga kalat-kalat na pag-ulan sa ibang bahagi ng bansa.
Ayon sa PAGASA, bunsod ng muling pag-iral ng Intertropical Convergence Zone o ITCZ
Dahil dito – asahan pa rin ang maulap na papawirin na may kasamang kalat-kalat na pag-ulan, kulog, at kidlat sa bahagi ng Basilan, Sulu, at Tawi-Tawi.
Samantala, ang pinagsamang epekto ng easterlies at localized thunderstorm ay magdadala naman ng katamtaman hanggang sa maulap na kalangitan na may pulo-pulong pag-ulan, pagkulog, at pagkidlat sa nalalabing bahagi ng bansa.