LAING residente sa GenSan ang natabangan sa panawagan sa KaBrigadahan GenSan alang sa hinabang.
Usa ka 10-anyos nga si Ibrahim Samer, taga purok 7, Phase 1, Brgy.Apopong ang nasunod ang parte sa lawas human gilamoy sa kalayo ang portion sa ilang balay.
Asoy ni Aiza Sumalong, 30-anyos, inahan sa maong bata nga nag-brownout sa ilang lugar ug nagpalit og kandila ang iyang anak, ug gipatong sa baso sa taas sa aparador
Bandang alas 10 sa gabii, nakamata si Aiza kay nasunog na ang aparador
Gipukaw niya ang iyang mga anak nga gagmay pa samtang gapukaw siya sa bata, nagkuha og malong si Ibrahim aron protektahan ang inahan niini.
Apan gidakop sa kalayo ang malong hinungdan nasunog ang liog, likod ug tiil sa bata.
Nadala sa ospital ug natagaan og medical attention, nasulbad na ang bill apan ang maintenance sa bata ang kinahanglan.
Nagapasalamat ang inahan sa bata nga sila gitabangan tungod sulod sa kapin duha ka oras natigom ang P8,000 nga cash ug wala pay apil ang nasulod sa GCash nga maapil usab og hatag sa nahisgutan.
