EPEKTIBO na sa Oktubre 17, 2024 ang pagpatuman sa bag-ong workers minimum wage sa pribadong establisimento sa Soccsksargen region, kini ang gibutyag ni Joel Gonzales, regional director sa Department of Labor and Employment (DOLE)12 dungan sa pag-apruba sa regional wage board sa bag-ong increase sa suholan.
Matud ni Gonzales, P27.00 per day ang adjustment sa sweldo sa mga naa non- agriculture samtang P28.00 per day ang increase sa agriculture , tungod sa increase gikan sa P403 per day nga sweldo sa mga trabahante sa rehiyon sa non-agriculture mahimo na kining P430.
Gikan sa P382 per day gumikan sa adjustment alang sa agriculture mahimo nang P410 per day ang suhol sa mga workers sa rehiyon.
Ang increase ang gitunga sa duha ka tranche una sa Oktubre 17, 2024 ug ikaduha sa Enero 01,2025.
Samtang duna usab adjustment sa suhol sa mga workers sa retails service nga naa sa P48.00, hinungdan nga gikan sa P382 per day nga sweldo sa naa sa maong sektor mahimo na kining P430 per day ug tungaon sa upat ka tranche.
Nahimong basehan sa wage increase ang panginahanglanon sa trabahante ug ilang pamilya ug socio-economic conditions.
