MOKABAT sa 26 certificate of candidacy (COC) ang na-file sa mga aspirant sa managlahing local position dungan sa unang adlaw sa filing sa COC alang sa Mayo 2025 eleksyon.
Matud ni Atty. Wilfredo Jay Balizado, director sa Commission on Election (Comelec) sagad sa mga nag-file ang gikan sa North Cotabato.
Asa nagsumite na sa ilang COC ang mga aspirants municipal councilor, mayor, bise mayor, gobernador ug bise- gobernador.
Giangkon ni Balizado nga gilaoman nilang daghang venue ang langawon sa unang adlaw apan gilaoman usab ang pagdagsa sa mga aspirants sa mga mosunod nga mga adlaw.
Subling nangpahimangno ang opisyal sa mga aspirants nga siguradohon nga i-comply ang mga rekisitos sa COC ug kung dunay political party ang Certificate of Nomination and Acceptance o CONA.
Sa GenSan, gilaoman nga mo-file sa ilang COC ang mga miyembro sa dagkong political party sa mga mosunod nga adlaw, sama sa People’s Champ Movement (PCM) nga pangunahan ni Mayor Lorelie Pacquaio ug RCRI nga pangunahan sa kanhi mayor Ronnel Rivera.
