Gilauman nga matuman ang overall completion sa Cagayan de Oro Flood Risk Management Project o Mega Dike Project ubos sa JICA o Japan International Cooperation Agency sa tuig 2023.
Sa pakighinabi sa Brigada News FM Cagayan de Oro kang Mega Dike Project Manager Engineer Gil Iturralde gibutyag niini nga sa pagkakaron anaa pa sa 75% ang completion sa proyekto dili lang sa Carmen nga bahin, kundi lakip na sa Nazareth, Macasandig, Balulang ug Kauswagan.
Gipaningkamotan karon nga matubag ang mga gap section sa proyekto labi na ang pagsulbad sa mga nahibilin nga right of way issues ug social concerns.
Nasayran nga katuyoan sa maong proyekto ang paghatag proteksyon sa katawhan sa syudad batok sa dagkong baha sama sa kasinatian sa Bagyong Sendong niadtong 2011.
Ang nahisgutan nga proyekto usa ka kolaborasyon tali sa Department of Public Works and Highways pinaagi sa Unified Project Management Office-Flood Control Management Cluster ug kagamhanang lokal sa Cagayan de Oro nga gipundohan og 8.5 billion pesos sa JICA.
Photo: CDODev.com